Skessuhorn:

Vordagskrá Briddsfélags Borgarfjarðar kynnt

9. mars 2010

Hjá Briddsfélagi Borgarfjarðar er búið að ákveða vordagskrána. Mánudagana 15. og 22. mars verður einmenningskeppni, ekki er nauðsynlegt að mæta bæði kvöldin, en samanlögð stig tveggja kvölda ráða úrslitum. 29. mars verður spilaður páskatvímenningur með Monrad fyrirkomulagi. 6. apríl (þriðjudagur) verður léttur tvímenningur, 12. apríl léttur tvímenningur en 17. apríl (laugardagur) verður Vesturlandsmót í tvímenningi á Mótel Venusi í Hafnarskógi. 19. apríl verður Opna Borgarfjarðarmótið í Logalandi, 26. apríl Opna Borgarfjarðarmótið á Mótel Venusi og 29. apríl Opna Borgarfjarðarmótið á Akranesi.

Í gærkvöldi var spilaður tvímenningur hjá félaginu. Úrslit urðu þau að Lárus og Sveinbjörn unnu, í öðru sæti voru Eyjólfur og Jón og í þriðja sæti Gísli og Ólafur.